Ismaili dorëzon donacion në Lipjan, zotohet se investimet në mjekësinë primare do të rriten
Ministri i Shëndetësisë, Uran Ismaili, ka dorëzuar për Qendrën Kryesore të Mjekësisë Familjare në Lipjan setin e pajisjeve bazike për Kujdesin Parësor Shëndetësor, të ofruar nga projekti “Kujdesi Shëndetësor i Qasshëm dhe Cilësor” nga Agjencia Zvicerane për Zhvillim dhe Bashkëpunim (SDC).
Ismaili tha se mjekësia primare është dera e parë e qytetarëve andaj edhe investimi në këtë sektor duhet të rritet edhe nga autoritetet qendrore edhe nga ato lokale, raporton EKonomia online. “Ministria e Shëndetësisë do të jetë partner të gjitha komunave që të ketë një strategji më të fuqishme sa i përket mjekësisë primare”.
Kryetari i komunës së Lipjanit, Imri Ahmeti tha se ky donacion do të jetë një ndihmesë e mirë për efikasitet më të madh të punëtorëve shëndetësor. Bernhard Soland, zëvendësdrejtor i Agjencisë Zvicerane për Zhvillim dhe Bashkëpunim (SDC), tha se para se të fillonte projektin kanë analizuar situatën në mjekësinë primare për të parë se si është gjendja me pajisjet themelore.
Ai tha se kanë vërejtur që në mjekësinë primare ka mungesë të pajisjeve andaj edhe kanë vendosur që të bëjnë një donacion të tillë.Edhe udhëheqësja e projektit Debra Stevenson. tha se ndihet e lumtur që kanë arritur të realizojnë këtë projekt. Ajo falënderoi bashkëpunëtorët e saj por edhe ministrin për pjesëmarrjen në këtë aktivitet pasi siç tha ajo dëshmon rëndësinë e kësaj çështje. Ndërsa Agim Krasniqi, Drejtor i Qendrës Kryesore të Mjekësisë Familjare në Komunën e Lipjanit, tha se këta artikuj do të ndikojnë në ofrimin e shërbimit më të mirë në këtë qendër në Lipjan.
“Jemi jashtëzakonisht të kënaqur që mundemi me i ofruar këto shërbime shëndetësore përmes këtyre pajisjeve”. Pajisjet përfshijnë 15 artikuj bazik si peshore, pajisje për matjen e tensionit të gjakut dhe pajisje për operime të vogla dhe këta 15 artikuj tani janë shpërndarë në më shumë se 80 qendra të KPSH-së në 12 komuna që mbështeten nga projekti (Fushë Kosovë, Gjakovë, Drenas, Graçanicë, Junik, Lipjan, Malishevë, Mitrovicë, Obiliq, Rahovec, Skenderaj dhe Vushtrri).
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...