Maturantët e Lipjanit me protestë kërkojnë ekskursionin në shtator
Zvarritja e procedurave tenderuese për ekskursionin e katër shkollave të mesme të Lipjanit ka nxitur reagimin e maturantëve. Për këtë shkak, nxënësit kanë protestuar, duke kërkuar që ekskursioni të mbahet në shtator.
Semir Gashi, drejtor i gjimnazit “Ulpiana” në Lipjan, ka thënë se pak javë më parë këshilli i shkollës pa pëlqimin e maturantëve ka vendosur që ekskursioni për Shqipëri të organizohet në muajin maj të vitit të ardhshëm, dhe shkaku i këtij vendimi deri tashti nuk është iniciuar asnjë procedurë tenderuese për transport dhe rezervim të hotelit, shkruan sot Koha Ditore.
Gashi, ka shpjeguar se udhëzimi administrativ i MASHT-it ia jep mundësinë secilës shkollë që ekskursioni në Shqipëri të organizohej në periudhën prill-maj apo shtator-tetor. “Takimin të cilin e kemi mbajtur me këshillin e shkollës e kemi parë të arsyeshme që ekskursioni i maturantëve të organizohet në muajin maj të vitit të ardhshëm, dhe për këtë arsye nuk kemi iniciuar ndonjë procedurë të tenderimit.
Organizimi i ekskursionit në këtë periudhë kohore po i çrregullon të gjithë maturantët nga procesi mësimor”, ka thënë Gashi.
Sidoqoftë Gashi, ka thënë se sot (e hënë), do ta organizojë edhe një takim me këshillin e shkollës dhe këshillin e nxënësve për t’i marrë mendimet e tyre lidhur me këtë ekskursion..
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...