MI ndan mbi 1 milion euro për projektet rrugore në Lipjan
Ministria e Infrastrukturës (MI), e përfaqësuar nga zëvendësministri Rexhep Kadriu me bashkpunëtorë, të premten vizituan komunën e Lipjanit për t’u takuar me të parin e kësaj komune, Imri Ahmeti.
Përfaqësuesit e dy institucioneve në fjalë, nënshkruan memorandum bashkëpunimi për vitin 2018 dhe anekset e marrëveshjeve paraprake për disa projekte rrugore në Lipjan, që arrijnë shifrën 1,203,468 euro, transmeton Ekonomia Online.
Nga memorandumi, do të financohet rruga përgjatë hekurudhës Gllogovc – Rubovc, ndërsa mjetet e tjera janë ndarë për vazhdimin e projekteve për rrugët Magurë – Blinaj, Vojnovc – Topliqan dhe Llugaxhi – Gadime.
Duke ndarë përgjegjësitë për dinamizimin dhe përshpejtimin e projekteve infrastrukturore, kryesisht asfaltimin e rugëve të Lipjanit, zëvendësministri Kadriu deklaroi se Ministria e Infrastrukturës do të jetë e gatshme që në çdo kohë të ofrojë përkrahje dhe të shërbejë në të mirë të qytetarëve të Lipjanit.
Sipas një komunikate për medie nga (MI), Kadriu nën shoqërinë e Ahmetit, vizitoi edhe udhëkryqin e Janjevës, në magjistralen Prishtinë – Ferizaj (N2), për të cilin paralajmëroi rinisje të shpejtë të punimeve në ndërtimin e një rrethrrotullimi, që sipas kryetarit të Lipjanit është mëse i nevojshëm.
Me rastin e kësaj vizite, zëvendësministri Kadriu dhe kryetari Ahmeti, vizituan edhe udhëkryqin ku pritet të bëhet rrethrrotullimi i rrugës nacionale N2 në Banullë, investim ky i Ministrisë së Infrastrukturës.​
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Po shkon drejt përfundimit rregullimi i hyrjes së Prishtinës nga Gollaku 13:40 / 15.04.2024 Drejtori i Investimeve Kapitale në Komunën e Prishtinës, Krenar Xhaferi, ka njoftuar se janë në përfundim e sipër të rregullimit të hyrjes së Prishtinës nga Gollaku i bukur.