Xhemajli e Lluka flasin për zhvillimin ekonomik në Lipjan
Nënkryetari i Komunës së Lipjanit Fauz Xhemajli dhe drejtori për Zhvillim Ekonomik Shkelzen Hajdini, kanë zhvilluar një takim me ministrin e Zhvillimit Ekonomik, Valdrin Lluka.
Nënkryetari Xhemajli ka informuar Ministrin Lluka rreth ofertës investive të Komunës së Lipjanit dhe angazhimeve që janë duke i bërë me qëllim të nxitjes së zhvillimit ekonomik.
Ai ka kërkuar nga ministri Lluka bashkëpunim dhe mbështetje në funksionalizimin dhe promovimin e vendeve turistike në Komunën e Lipjanit duke vënë në pah rëndësinë e Parkut Nacional Blinaja, Shpellës së Gadimes dhe Janjevës për zhvillimin ekonomik të Komunë së Lipjanit.
Gjatë këtij takimi Ministri Lluka premtoi angazhim në promovimin e ambientit të të bërit biznes në Komunën e Lipjanit, si dhe angazhim me ministritë relevante në funksionalizimin e zonave turistike dhe promovimin e atyre qe janë funksionale.
Po ashtu, Ministri premtoi se do të angazhohet që Lipjani të futet në prioritetet e Qeverisë me qëllim që të përfitojë nga projektet e mëdha me të cilat do të kenë ndikim të drejtpërdrejtë në Zhvillimin Ekonomik. /InfoKomuna/