Hapet Panairi artizanal në Malishevë

MalishevëPostuar: 13:29 / 18.10.2017

Në Malishevë, sot është hapur panairi artizanal, tashmë tradicional, i cili do të qëndroj dy ditë. Në këtë panair, marrin pjesë kryesisht gratë, të cilat janë të organizuara në shoqatat e grave dhe prezantojnë në këtë panair, veshjet dhe ushqimet tradicionale.

Panairin sot e ka vizituar edhe i pari i Malishevës, Ragip Begaj, i shoqëruar nga qeveria komunale, të cilët edhe ju kanë dhënë mbështetje pjesëmarrësve në këtë panair, për kultivimin e traditës sonë, si në veshjet tradicionale dhe punimet tjera artizanale, ashtu në kultivimin e traditës në ushqimeve vendore, raporton InfoKomuna.

Sipas drejtorit të Drejtorisë së Bujqësisë, Murat Hoxha, që është mbështetës i këtij aktiviteti, tashëm tradicional, kjo drejtori, gjithmonë do ti përkrahë të gjithë ata që merren me traditën, e në veçanti prodhimet, apo gatimet tradicionale, si dhe kultivimin e pemëve dhe perimeve dhe konservimin e tyre.

Ky panair është tradicional dhe mbahet dy herë në vit në Malishevë. Panairet e këtilla mbështeten nga Komuna e Malishevës, me qëllim të zhvillimit të traditës, përkatësisht ruajtjes së trashëgimisë kulture, në prodhimet artizanale të veshjeve, stolive, si dhe ushqimeve.