Komuna e Malishevës mbulon shpenzimet e varrimit të qytetarëve të vet

MalishevëPostuar: 14:09 / 15.05.2019

Kryetari i Komunës së Malishevës, Ragip Begaj dhe Kryetari i Këshillit të Bashkësisë Islame në Malishevë, Xhevat Kryeziu, nënshkruan marrëveshjen për mbulimin e shpenzimeve për shërbimin e varrimit të personave të vdekur të cilët varrosen në territorin e Komunës së Malishevës.

Kostoja e përgjithshme e marrëveshjes për një shërbim mortor është 230 euro, të cilat mbulohen me mjete buxhetore të komunës së Malishevës.

“Mbulimi i shpenzimit për shërbimet e varrimit, sipas kësaj marrëveshjeje, në asnjë mënyrë nuk ndërlidhet me pagesën e anëtarësisë ndaj Bashkësisë Islame, çështje e cila edhe më tutje mbetet në raportet e deritanishme të qytetarëve me Bashkësinë Islame”, ka thënë Komuna e Malishevës.

Ndërkaq, theksohet se Kuvendi i Komunës së Malishevës gëzon të drejtën e shkëputjes së njëanshme të marrëveshjes, në rast se Këshilli i Bashkësisë Islame në Malishevë nuk përmbush obligimet e veta sipas marrëveshjes.

Marrëveshja do të zgjasë deri më 31.12. 2020.

IstogKomente: 0 Kryetari Rugova priti në takim ministren e MAPL-së, Adrijana Hoxhiq 14:44 / 18.07.2019 Kryetari i Istogut Haki Rugova ka pritur sot, në takim ministren e Administrimit të Pushtetit Lokal, Adrijana Hoxhiq me të cilën bisedoi për bashkëpunimin që ka komuna e Istogut me Ministrinë e Administrimit të Pushtetit Lokal (MAPL).
SkënderajKomente: 0 Grante për 20 biznese në Skenderaj 16:44 / 16.07.2019 Kryetari i Komunës së Skenderajt, Bekim Jashari dhe drejtoresha e Agjencionit “Help”, Shqipe Breznica, kanë nënshkruar sot marrëveshje bashkëpunimi, për mbështetje të stabilitletit socio-ekonomik, në kuadër të projektit të financuar nga Qeveria e Gjermanisë.