Malisheva nderon dëshmorët

MalishevëPostuar: 16:05 / 29.12.2017

Në vigjilje të shënimit të Ditës së Veteranëve në Kosovë, dega e Organizatës së Veteranëve të Luftës së UÇK-së, në Malishevë me një organizim, që u tha se do të jetë tradicional, ka ndarë mirënjohje dhe dekorata për dëshmorët e Malishevës, të rënë në trojet shqiptare, si dhe mirënjohje për familjet e veteranëve, të cilët nuk jetojnë më.

Përmes një komunikate për media bëhet e ditur se në këtë shënim, morën pjesë, kryetari i Komunës së Malishevës, Ragip Begaj, kryetari i OVL të UÇK-së, Hysni Guncati, kryetari i OVL të UÇK-së dega në Malishevë, Metush Kryeziu, familje të dëshmorëve, familje të veteranëve, veteran dhe invalid të luftës, nga Komuna e Malishevës, transmeton Koha.net.

Në fjalët e rastit, u vlerësua lart kontributi i të gjithë veteranëve të luftës së UÇK-së, e në veçanti kontributi i dëshmorëve të kombit.

"Gjaku i derdhur i dëshmorëve të kombit, mundi dhe sakrifica e veteranëve të luftës së UÇK-së, na obligon neve të gjithëve, që të punojmë për vendin", ka thënë Begaj.

Në këtë organizim, janë ndarë dekorata për dëshmorin Agim Elshani, i rënë në Luginën e Preshevës, pastaj për dëshmorët e rënë në trojet shqiptare në Maqedoni, Visar Krasniqi, Labinot Krasniqi dhe Hilmi Hoti.

FerizajKomente: 0 Aliu dhe Avokati i Popullit flasin për të drejtat e njeriut 14:14 / 23.01.2018 Kryetari i Komunës së Ferizajt, gjatë ditës së sotme ka pritur në takim Avokatin e Popullit, Hilmi Jashari, i shoqëruar edhe nga bashkëpunëtorët e tij. Gjatë këtij takimi janë diskutuar një mori çështjesh që përfshihen në misionin e Institucionit...
LipjanKomente: 0 Ahmeti kërkon punë dhe angazhim maksimal nga shefat e sektorëve 10:37 / 23.01.2018 Kryetari i Komunës së Lipjanit, Imri Ahmeti ka zhvilluar sot një takim me shefat e sektorëve të komunës me qëllim të një kordinimi sa më të mirë në realizimin e detyrave të punës me të cilën ata janë të ngarkuar.