Në Malishevë fillon riparimi i kanalizimeve

MalishevëPostuar: 14:06 / 11.09.2017

Në kuadër të realizimit të projekteve të planifikuara në Komunën e Malishevës, sot ka filluar të realizohet edhe projekti për riparimin e rrjeteve ekzistuese të kanalizimeve, të cilat kanë defekte, apo janë bllokuar për shkaqe të ndryshme.

Në mesin e këtyre riparimeve, është edhe kanalizimi në lagjen “Mirëdita” në Malishevë, pasi një pjesë e kanalizimit të kësaj lagjeje, ishte i dëmtuar dhe nuk ishte i lidhur ne kolektorin kryesor të ujërave të zeza, transmeton InfoKomuna.

Punimet në riparimin e këtij rrjeti të kanalizimin e kanë parë nga afër i pari  i Malishevës, Ragip Begaj dhe drejtori i urbanizimit, Ahmet Morina.

Ata janë njoftuar me punimet që po kryhen, si dhe me problemin që është ballafaquar kjo pjesë e lagjes “Mirëdita”, por që nga sot, problemi i tyre do të zgjidhet përfundimisht, dhe do të jenë të kyçur në rrjetin kryesor të ujërave të zeza.

Me këtë rast, kryetari Begaj, ka kërkuar që punimet të kryhen me standarde dhe cilësi, dhe të mos ketë probleme kjo pjesë e kësaj lagjeje, si dhe në çdo vend tjetër, ky kryhen renovimet, të mos përsëriten problemet e njëjta.

Nga ana tjetër, drejtori i urbanizmit, Ahmet Morina, ka bërë të ditur se do të riparohen të gjitha rrjetet e kanalizimeve, që janë paraparë të riparohen dhe do të eliminohen problemet e bllokimit të sistemeve të kanalizimit.
/InfoKomuna/

MalishevëKomente: 0 Komuna e Malishevës dhe MZHR bashkëpunim për realizimin e projekteve 12:45 / 17.01.2018 Kryetari i Komunës së Malishevës, Ragip Begaj, ka pritur sot në një takim pune, zëvendësministrin e Ministrisë së Zhvillimit Rajonal, Musa Cena, me të cilin kanë biseduar për bashkëpunimin mes ministrisë dhe komunës, si dhe për projektet që planifikon ti realizoj...
PrishtinëKomente: 0 Këta janë anëtarët e komisioneve nëpër ndërmarrjet publike komunale 15:38 / 18.01.2018 Komuna e Prishtinës ka mbajtur sot mbledhjen e parë e Kuvendit Komunal, ku u votua për Kryesuesin e Kuvendit, Komitetin për Politikë dhe Financa si dhe për caktimin e anëtarëve në komisionet e aksionarëve të Ndërmarrjeve Publike të Komunës së Prishtinës.