Malishevë, Inspektorati në aksion për kontrollimin e mallrave me afat të skaduar

MalishevëPostuar: 11:42 / 21.12.2017

Inspektorati i Komunës së Malishevës, ditëve të fundit është në aksion të përgjithshëm në të gjitha marketet dhe dyqanet, sidomos ato që shesin mallra ushqimore, për kontroll të afatit të përdorimit të mallrave, sidomos atyre ushqimore, pasi tashmë jemi në prag të festave të fundit dhe konsumimi i mallrave ushqimore, është më i madh.

Sipas shefit të inspektoratit në Malishevës, Bardhyl Buçaj, inspektorët komunal, në vazhdimësi janë në terren dhe në mënyrë të vazhdueshme janë duke i kontrolluar të gjitha pikat e shitjes, qoftë dyqane të mëdha apo të vogla, në mënyrë që të sigurohen se përdorimi i produkteve është me afat të përdorimit dhe brenda kushteve të përcaktuara me ligj.

Buçaj, gjithashtu ka thënë se "shëndeti i qytetarëve është mbi të gjitha dhe për këtë qëllim inspektorët do të jenë në shërbim të vazhdueshëm, në mënyrë që to sigurohen për përdorim të mallrave pa afat të skaduar të përdorimit".

Po ashtu, Buçaj, ju bën thirrje qytetarëve, që nëse eventualisht mund të hasin në produkte me afat të skaduar të përdorimit, menjëherë ti informojnë inspektorët komunal./InfoKomuna/

MalishevëKomente: 0 Nënkryetari Berisha premton përkrahje për aktivitetet rinore 11:33 / 23.01.2018 Nënkryetari i Komunës së Malishevës, Hajdin Berisha dhe drejtoresha e Drejtorisë për Kulturë, Rini dhe Sport, Blerta Krasniqi, sot kanë pritur në një takim pune, kryetarin e Qendrës Rinore në Malishevë, Amrush Helshani dhe aktivistë të tjerë, të cilëve ju...
FerizajKomente: 0 Zvarritet prej 5 muajsh tenderi për mirëmbajtje dimërore rrugësh 11:36 / 23.01.2018 Komuna e Ferizajt sivjet ka dështuar ta kontraktojë ndonjë kompani të rregullt për pastrimin e rrugëve dhe trotuareve nga bora, ndaj reshjet e fundit të borës, më saktë gjatë vikendit kanë shkaktuar telashe dhe vështirësi për qarkullim.