Nënkryetari Berisha, priti në takim njoftues komandantin e Stacionit Policor në Malishevë
Nënkryetari i Komunës së Malishevës, Hajdin Berisha, i shoqëruar edhe nga drejtorët e drejtorive komunale, sot kanë pritur në një takim me karakter njoftues komandantin e ri të stacionit policor në Malishevë, kapiten Hazir Berisha dhe zëvendëskomandantin, toger Azem Kransiqi, ku krahas urimeve për detyrën e re, është biseduar edhe për çështje tjera, që kanë të bëjnë me sigurinë e përgjithshme.
Fillimisht, nënkryetari i Komunës së Malishevës, Hajdin Berisha, e ka uruar komandantin e sapo emëruar të stacionit policor në Malishevë, kapitenin Hazir Berisha, për detyrën e re, si dhe i ka ofruar gatishmërinë e komunës për bashkëpunim të ndërsjellës mes dy institucioneve, për ruajtjen e sigurisë së përgjithshme.
Zyrtarët e lartë policorë, Berisha e Krasniqi, kanë shprehur gatishmërinë e tyre, që krahas obligimeve të rregullta, të ofrojnë mbështetjen e zyrtarëve policorë, sa herë që paraqitet nevoja dhe në shërbim të qytetarëve të Komunës së Malishevës.
Gjatë këtij takimi është biseduar edhe për çështje të sigurisë së përgjithshme, e në veçanti për sigurinë në trafik, në shërbim të të gjithë banorëve të Komunës së Malishevës. /InfoKomuna/
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.