Nis ndërtimi i shtëpisë për një familje skamnore në Malishevë
Në kuadër të rritjes së mirëqenies për qytetarët e Komunës së Malishevës dhe krijimit të kushteve më të mira për jetesë, dhe me qëllim të sigurimit të banimit, ka filluar ndërtimi edhe i një shtëpie, për një familje e cila jeton në kushte të rënda socio ekonomike dhe në kushte jo të mira të banimit.
Sot këtë familje e kanë vizituar edhe kryetari i Komunës së Malishevës Ragip Begaj dhe drejtori komunal për urbanizëm, Islam Vrenezi, të cilët e kanë uruar familjen për ndërtimin e shtëpisë.
Shtëpia e radhës e cila po ndërtohet, është për Rrahman Kovaçin nga Banjë, cili i takon komunitetit RAE, që jetojnë në Komunën e Malishevës. Kovaçi, deri më tani ka jetuar në një ndërtesë banimi, në kushte të rënda, pasi ndërtesa është në rrënim e sipër për shkak të vjetërsisë.
“Ne po mundohemi që brenda kushteve dhe mundësive buxhetore, të krijojmë kushte sa më të mira për të gjithë banorët e Komunës së Malishevës, e në veçanti për rastet e tilla, ku jetojnë në kushte të rënda dhe nuk kanë mundësi që të sigurojnë banimin. Krijimi i kushteve për jetesë dhe rritja e mirëqenies së banorëve tanë, është obligim për ne, e mbi të gjitha është edhe obligim moral”, tha kryetari Begaj, gjatë vizitës në këtë familje. /InfoKomuna/
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.