Fondi i Zhvillimit ndan 2.1 milionë euro për projekte në komunat veriore të Kosovës

Mitrovica Ver.Postuar: 11:24 / 03.09.2018

Këtë verë Bordi Drejtues i Fondit të Zhvillimit ndau më shumë se 2.1 milionë euro për projekte në veri të Kosovës.

Siç thuhet në njoftim, mbi 700,000 euro i janë ndarë Zveçanit për zhvillimin e infrastrukturës komunale, përfshi edhe mbështetjen për projektin e BE-së në zhvillim "Deponia Rajonale".

Bordi i ndau Leposaviqit 400.000 euro për të ndihmuar zhvillimin e kultivimit të mjedrës në komunë dhe afër 500.000 euro për fazën e dytë të ndërtimit të pishinës në Zubin Potok.

Bordi Drejtues gjithashtu ka ndarë 500.000 euro për dy projekte në Mitrovicën e Veriut, përkatësisht fazat e dyta të Sallës së Sporteve dhe ndërtimin e një objekti për Brigadën e Zjarrfikësve.

Fondi i Zhvillimit financohet nga tatimet e mbledhura në pikë kalimet Jarinjë/Rudnicë dhe Tabavijë/Bërnjak. Që nga viti 2013, në Fond janë mbledhur 14.8 milionë euro, ndërsa deri tani janë ndarë më shumë se 10 milionë për të mbështetur zhvillimin socio-ekonomik të katër komunave në veri të Kosovës. /InfoKomuna/

Fushë KosovëKomente: 0 Zgjidhet problemi i furnizimit me ujë për Fushë-Kosovën 15:45 / 21.06.2019 Komuna e Fushë-Kosovës dhe Kompania Rajonale e Ujësjellësit “Prishtina” njoftojnë qytetaret e kësaj komune se do të fillojnë me testimin e linjës magjistrale për furnizim me ujë në Fushë-Kosovë.
SkënderajKomente: 0 Asgjësohen më shumë së 200 kg mish i prishur në Skenderaj 16:26 / 21.06.2019 Në vazhdën e aktiviteteve të Drejtorisë së Inspektoratit, për kontrolle të produkteve ushqimore në marketet dhe dyqanet e komunës sonë, ditë më parë inspektorët e këtij dikasteri kanë bërë inspektim në një nga qendrat tregtare në qytet, ku...