Veriorët thonë se nuk do të hapet ura mbi lumin Ibër

Mitrovica Ver.Postuar: 09:42 / 31.01.2018

Lajmi se do të përurohet një urë e cila gjendet në territorin e Komunës së Mitrovicës Jugore, ka “alarmuar” kryetarin e Mitrovicës veriore, Goran Rakiq.

Ai ka rënë nën ndikimin e njoftimit të ditës e martë, i cili shoqërohej me foton e urës kryesore.

Rakiq ka marrë shkas nga kjo për të përsëritur se nuk ka hapje të urës kryesore në Mitrovicë, shkruan sot “Koha Ditore”.

“Ky është një lajm i rremë dhe dezinformatë në mënyrë që të prodhohet destabilizim në veri të Kosovës, si dhe të bëhet futja e trazirave në mesin e popullatës serbe”, ka thënë Rakiq për “Tanjug”.

Ura, për të cilën Rakiq mori shkas të deklarohet, gjendet mbi lumin Sitnica, nën lagjen “Bair” dhe është ndërtuar nga KFOR-i dhe FSK-ja. Por, ura kryesore e cila vazhdon të jetë simbol i ndarjes së qytetit të Mitrovicës vazhdon të jetë e mbyllur. Kjo, pikërisht për shkak të ndaljes së punimeve nga Rakiq. /InfoKomuna/

Komente: 0 Konfirmohen 13 raste me COVID-19 dhe dy persona të shëruar 20:10 / 31.05.2020 Instituti Kombëtar i Shëndetësisë Publike të Kosovës, njofton se sot janë testuar gjithsej 113 mostra të marra nga Klinika Infektive dhe gjurmimi i kontakteve të rasteve në terren, nga të cilat janë konfirmuar 13 raste me COVID-19.
GllogocKomente: 0 Lladrovci raporton për mjetet e shpenzuara për menaxhimin e Covid-19 15:13 / 27.05.2020 Është mbajtur mbledhja e rregullt e Kuvendit të Komunës, ku për diskutim ishin 5 pika të rendit të ditës. Mirëpo kryetari Lladrovci ka propozuar edhe dy pika shtesë, propozim vendimin të Statutit Qendrës Kryesore të Mjekësisë Familjare “Dr.Hafir Shala” me...