300 mijë eruo investime nga KEDS në Mitrovicë
Kryetari i komunës së Mitrovicës, Agim Bahtiri, ka pritur në një takim përfaqësuesit e KEDS-it, Avni Alidemaj, Edmond Omani, Selim Selimi dhe Myhedin Osmani, të cilët prezantuan projektin investues kapital për rrjetin e ri energjetik për fshatrat e Shalës.
Projekti “LP.10 KV- SHALA” parasheh vendosjen e shtyllave të betonit në fshatrat e Shalës, vlera e të cilit kap shumën prej 300.000 euro.
Gjatë këtij takimi kryetari Bahtiri ka kërkuar që me prioritet të merret edhe vendosja e trafos në fshatin Zasellë të komunës së Mitrovicës, meqenëse janë mese 1000 shtëpi qe duhet t’u ofrohet furnizim me energji elektrike, ku tensioni i rrymës është në nivelin e duhur.
Në fund kryetari Bahtiri falënderoi KEDS-in për bashkëpunimin e vazhdueshëm, konkretisht për vendosjen e trafove të cilat do të përmirësojnë furnizimin me energji elektrike për banorët e komunës sonë dhe u shpreh i gatshëm që të ndihmoi kudo që KEDS-i e sheh të arsyeshme angazhimin e komunës.
/InfoKomuna/