Biznesmenët jugkoreanë të interesuar për investim në Mitrovicë

MitrovicëPostuar: 16:09 / 29.12.2017

Biznesmenët nga Koreja Jugore, Young-Jin. Song, president i kompanisë Top Eng&Construction Co.LTD dhe presidenti i kompanisë Essor Solution Co. LTD, James Chung janë pritur të premten nga kryetari i komunës së Mitrovicës, Agim Bahtiri, me ç’rast është biseduar për mundësitë e bashkëpunimit dhe investimeve në komunën e Mitrovicës.

Biznesmenët koreanojugor ishin të shoqëruar nga biznesmeni Sami Bahtiri, djali i kryetarit Bahtiri, kompania e të cilit ka bashkëpunim me kompanitë e biznesmenëve të lartpërmendur, bëhet e ditur përmes një komunikate për media.

Bahtiri falënderoi biznesmenët nga Koreja e Jugut për vizitën që po i bëjnë Mitrovicës dhe për interesimin për të bashkëpunuar dhe investuar këtu dhe në Kosovë, transmeton Koha.net.

Në vazhdim kryetari Bahtiri i njoftoj me situatën e përgjithshme në Komunën e Mitrovicës, me theks të posaçëm për kushtet që ofron Komuna për investitorët e huaj.

Ai ju tha mysafirëve se komuna e Mitrovicës ofron kushte dhe lehtësira të mëdha për të gjithë ata që synojnë të investojnë në projekte të ndryshme, duke përmendur me këtë rast dhënien e tokës falas, pastaj edhe lehtësirat tjera tatimore.

Biznesmenët Young-Jin. Song dhe James Chung, thanë se, janë në Mitrovicë “për të parë nga afër kushtet dhe mundësitë që ofrohen për investitorë të huaj. Ne jemi të interesuar që të identifikojmë fushat dhe nevojat e këtushme me qëllim që pastaj të bashkëpunojmë për realizimin eventual të projekteve interesante që do të ndihmojnë zhvillimin ekonomik të qytetit dhe përmirësimin e cilësisë së jetës së qytetarëve”.

Ata në bisedë me Bahtirin folën edhe për mundësinë e hapjes së të ndonjë zyre ndërlidhëse apo bashkëpunimi të përfaqësuesve të bizneseve në të dyja shtetet, me qëllim që ky bashkëpunim të jetë sa më i suksesshëm.

PrishtinëKomente: 0 Sot mbyllen tri rrugë në Prishtinë! 11:08 / 23.04.2018 Gjatë ditëve të kaluara, rrugët në Prishtinë ishin bllokuar herë njëra herë tjetra, për zhvillimin e punimeve të ndryshme.
PodujevëKomente: 0 Në Podujevë mbillen lule për Ditën e Tokës 15:17 / 23.04.2018 Në kuadër të aktiviteteve të organizuara për shënimin e Ditës së Tokës, Kryetari i Komunës së Podujevës, Agim Veliu, bashkë me ekologët e rinj, kanë mbjellur lule në Parkun e Qytetit në Podujevë.
LipjanKomente: 0 Ahmeti e ambasadori slloven flasin për zhvillimin ekonomik 16:28 / 23.04.2018 Kryetari i Komunës Imri Ahmeti, sot ka pritur në takim ambasadorin e Republikës së Sllovenisë në Kosovë, Bojan Bertoncelj, me të cilin kanë bashkëbiseduar për mundësitë e bashkëpunimin të Komunës së Lipjanit dhe Ambasadës së Sllovenisë në...