Dy fabrikat e mbyllura në Mitrovicë nuk respektojnë vendimin e Inspeksionit
Bordi i Drejtorëve të Komunës së Mitrovicës, i cili shqyrtoi dhe miratoi sot një varg çështjesh, ndër të tjera diskutoi edhe informatën për mbylljen nga Inspeksioni i Komunës të dy fabrikave për përpunimin e vajrave.
Drejtori i kësaj Drejtorie, Hysni Ahmeti, tha se ato nuk po e respektojnë vendimin e organeve komunale, andaj inspektorët kanë intervenuar sërish dhe drejtuesit e njërës fabrikë janë ftuar në polici për shkeljet ligjore që kanë bërë, por të cilët me urdhër të Prokurorisë janë lënë të lirë, përkatësisht lënda ka shkuar në procedurë të rregullt hetimore.
Për fabrikën tjetër, drejtori Ahmeti tha, se ka bërë shkelje të rënda ligjore dhe se aty duhet të intervenojë policia e krimeve ekonomike, pasi që pronarët e fabrikës kanë mashtruar se janë në punë testuese, ndërsa kanë bërë prodhim të rregullt të produkteve.
Drejtori Ahmeti i njoftoi anëtarët e Bordit se inspektorët janë të vendosur që të ndërpresin ndërtimet pa leje, ani pse ai dhe inspektorët kanë pasur kërcënime nga ndërtuesit, për çka edhe është njoftuar policia e Kosovës. Ai kërkoi nga Policia e Kosovës që të jetë më e angazhuar dhe e përkushtuar për të mbështetur Inspeksionin Komunal për ndërprerjen e ndërtimeve pa leje në Komunë.
Mbledhja u kryesua nga nënkryetari i Komunës, Faruk Mujka.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Kryetari Latifi nënshkruan memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur” 12:01 / 16.04.2024 Kryetari i Komunës së Rahovecit, Smajl Latifi, ka njoftuar se sot, ka nënshkruar memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur”.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...