Mitrovica dhe GIZ nënshkruajnë marrëveshje për Efiçiencën e Energjisë
Komuna e Mitrovicës ka nënshkruar një marrëveshje mirëkuptimi me organizatën gjermane GIZ-GmbH-Projekti i Kosovës për Efiçiencën e Energjisë (KEEP) për krijimin e Sistemit të menaxhimit të energjisë në nivel lokal, transmeton InfoKomuna.
Projektin e kanë nënshkruar Kryetari i Komunës, Agim Bahtiri dhe menaxheri i programit të KEEP të GIZ-it, Kai Hofmann.
Qëllimi i kësaj marrëveshje është që të sigurohet bashkëpunimi i dakorduar dhe i ngushtë midis palëve nënshkruese për krijimin e sistemit për menaxhimin komunal të energjisë, bazuar në marrëveshjen për zbatimin e projekteve për bashkëpunim teknik të datës 29.08.2017, në mes të GIZ-it dhe Ministrisë së Zhvillimit Ekonomik të Kosovës.
Me marrëveshjen e nënshkruar parashihet që KEEP-GIZ të mbështet Komunën e Mitrovicës në krijimin e sistemit komunal të menaxhimit të energjisë, të ofroj shërbime këshillëdhënëse dhe të ekspertizës teknike, zhvillimin dhe sigurimin e ndërtimit të kapaciteteve etj.
Ndërsa, Komuna e Mitrovicës është përgjegjëse për themelimin e Zyrës Komunale për Energji (ZKE), ose emërimin e një zyrtari në pozitën e menaxherit komunal të energjisë, hartimin e rregullores së punës të ZKE etj.
Kryetari i Komunës, Agim Bahtiri e ka vlerësuar si shumë të rëndësishme marrëveshjen e nënshkruar dhe gatishmërinë e GIZ-it për të ndihmuar Mitrovicën në këtë drejtim. Ai është zotuar se Komuna do të përmbush të gjitha obligimet e veta dhe ka falënderuar përfaqësuesit e GIZ-it për bashkëpunim.
/InfoKomuna/
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.