Mospërshtatja e shpejtësisë shkaktar i aksidentit me fatalitet në Mitrovicë
Policia e Kosovës ka njoftuar se shkak i aksidentit me fatalitet që ndodhi sot në orët e hershme të mëngjesit në Mitrovicë, ka qenë mospërshtatja e shpejtësisë me kushtet e rrugës.
“Një aksident trafiku me fatalitet është raportuar rreth orës 05:13 të datës 8 shtator 2017. Aksidenti ka ndodhur në rrugën rajonale Mitrovicë- Pejë, në fshatin Lushtë të Mitrovicës, ku si pasojë e aksidentit ka pësuar lëndime vdekjeprurëse vetë drejtuesi viktima A. H. 37 vjeçar”, thuhet në njoftimin e PK-së.
“Nga hetimet e para të bëra në vendngjarje, nga hetuesit e Njësisë së trafikut rajonal, bëhet e ditur se si shkak i aksidentit dyshohet të ketë qenë mospërshtatja e shpejtësisë me kushtet e rrugës nga ana e ngasësit/viktimës, i cili humb kontrollin mbi automjetin duke përfunduar jashtë rrugës”, thuhet më tej.
Trupi i pajetë i viktimës është dërguar për obduksion.
Policia e Kosovës apelon tek të gjithë pjesëmarrësit në trafikun rrugor, që të kenë kujdes dhe t’u përmbahen rregullave të trafikut dhe sinjalistikës në fushën e sigurisë në trafikun rrugor.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.