Studentët e Mitrovicës mësojnë gjuhën angleze nga amerikania Sara Sajer

Ajo nëpërmjet programit “Fullbright” do të qëndroj në Universitetin “Isa Boletini” prej 2 tetor 2017 deri më 22 qershor 2018, transmeton InfoKomuna.

Gjatë kësaj kohe, ajo do të jetë pranë studentëve 25 orë në javë, ku do të asistoj në orët e gjuhës angleze.

“Ideja është që të ketë një komunikim shoqëror me studentët, si një mënyrë praktike për mësimin e gjuhës angleze  dhe jo një mësim formal”, tha ajo.

Në anën tjetër, rektori Alush Musaj, i cili e ka pritur në takim mysafiren nga Amerika, e cila do të punojë dhe jetojë në Mitrovicë për gjashtë muaj, i ka ofruar gjithë mbështetjen e nevojshme për aktivitetin e saj në të mirë të studentëve.

Ai e ka vlerësuar këtë si një rast jashtëzakonisht të mirë për studentët që duan të rrisin nivelin e gjuhës angleze.

Ndryshe vitin e kaluar në Universitetin “Isa Boletini”, poashtu nëpërmjet programit “Fullbright”, studenti Kyle Sweeney nga Bostoni, ka qëndruar në Universitetin “Isa Boletini” për disa muaj për të përgatitur një projekt shkencor që ka të bëj me ujërat dhe mjedisin. /InfoKomuna/