Nënshkruhet deklarata për promovim të bashkëpunimit ndërmjet komuniteteve
Në një ceremoni të organizuar nga Organizata për Siguri dhe Bashkëpunim në Evropë, Misioni në Kosovë (OSBE), gjatë ditës së sotme, është nënshkruar Deklarata e përbashkër për të promovuar dialogun ndërmjet komuniteteve në komunat: Mitrovicë, Skenderaj, Vushtrri dhe Podujevë.
Në këtë ceremoni, të pranishëm ishin drejtori i Administratës nga Komuna e Mitrovicës, Hysen Muzliukaj, kryetari i komunës së Podujevës, Agim Veliu, kryetari i komunës së Vushtrrisë, Xhafer Tahiri dhe drejtori për Kulturë, Rini dhe Sport nga komuna e Skenderajt, Ramiz Shala, i cili ka nënshkruar deklaratën në emër të kryetarit të Komunës, Bekim Jashari.
Nënshkruesit janë deklaruar se qëllimi i nënshkrimit ka të bëjë me promovimin e dialogut dhe respektimin ndërmjet komuniteteve në komunat tona po ashtu edhe në tërë Kosovën. /InfoKomuna/