Prizren: Një muaj paraburgim për të dyshuarin që sulmoi vëllain dhe nënën e tij

Më 14 janar të këtij viti, O.L dyshohet se për çështje të pronës, ka sulmuar vëllain e tij, A.L. me taketuke, duke i shkaktuar lëndime të rënda në kokë dhe pjesë tëe trupit. Më pas, O.L. thuhet se ka marrë sëpatën për të sulmuar nënën dhe vëllain, mirëpo të njëjtit kanë arritur të largohen.

Ai ka kanosur me fjalë duke u thënë se do t’i mbysë. Duke u ndjerë i frikësuar, A.L. ka shkuar në polici dhe ka kaluar natën aty.

“Gjyqtari i procedurës paraprake ka vlerësuar edhe masa të tjera për sigurinë e pranisë së të pandehurit në procedurë, mirëpo ka ardhur në përfundim se në rastin konkret, të njëjtat janë të pamjaftueshme për zhvillimin e rregullt të procedurës penale”, thuhet në njoftimin e Gjykatës Themelore./Koha.net/