Shqiptarët e Novobërdës qe katër muaj pa transport me autobus
Qytetarëve shqiptarë në komunën e Novobërdës tash e 4 muaj u është ndërprerë transporti me autobus, raporton KTV.
Transporti që sigurohej nga Ministria e Infrastrukturës, për banorët shqiptarë, është ndërprerë pasi njëri nga operatorët ka bërë ankesë në Organin Shqyrtues të Prokurimit Publik.
Qytetarët e Novobërdës thonë se detyrohen të paguajnë taksi 5 euro për të shkuar vetëm deri në fshatin Llabjan që gjendet në magjistralen Prishtinë-Gjilan, e më pas të presin autobusin për të shkuar në njërin nga qytetet e afërta.
Mungesa e transportit publik po u shkakton shumë probleme qytetarëve të kësaj komune.
Nënkryetari i Komunës së Novobërdës, Bajrush Ymeri, deklaron se ky proces i sigurimit të transportit, është duke u prolonguar nga OSHP-ja.
Ai thotë se procesi mund të shkojë nga fillimi nëse OSHP-ja merr ndonjë vendim ndryshe.
Qytetarët akuzojnë komunën, e sidomos partitë politike shqiptare, të cilët përfaqësohen në Kuvendin Komunal, të cilat nuk po bëjnë shumë për komunitetin e tyre ngase për komunitetin serb dhe komunitetin rom kanë transport humanitar, i cili bëhet pa telashe.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.