Zhvendosja e tregut të kafshëve në Novobërdë, peng i lokacionit

NovobërdëPostuar: 12:20 / 09.01.2018

Ndërtimi i infrastrukturës së re në Komunën e Novobërdës pamundëson veprimtarinë e tregut të kafshëve në hyrje të fshatin Llabjan

Ndaj Komuna synon ta zhvendosë atë, por ndodhet para problemit për të siguruar një lokacion të ri për ta zhvendosu tregun aktual, shkruan sot “Koha Ditore”.

Aktualisht në afërsi të tregut ndodhet edhe objekti i gjyqësorit, ambulanca dhe halla e sporteve, që janë në ndërtim e sipër.

Si lokacion i përshtatshëm, sipas komunarëve, për ndërtimin e tregut të ri të kafshëve është parë prona e Agjencisë Pyjore të Kosovës, që gjendet jo larg lokacionit të tregut të tashëm.