Kundërshtohet emërtimi i sheshit në Obiliq
Emërtimi i sheshit të Obiliqit me emrin e ish-kryesuesit të Kuvendit, Adem Preniqi, nuk është pritur mirë nga të gjitha partitë e kësaj komune dhe as nga veteranët e UÇK-së.
Zyrtarët e Lëvizjes Vetëvendosje kanë thënë se emërtimi i propozuar nga kryetari i kësaj komune, Xhafer Gashi, është politik dhe nuk përfaqëson vlerë kombëtare. Kryetari i Qendrës së VV-së, Halil Thaçi, thotë se sheshi i Obiliqit meriton emër tjetër.
“Së pari ne mendojmë që Adem Preniqi (ish-kryesuesi i Kuvendit Komunal të Obiliqit) nuk është ndonjë vlerë kombëtare, është një vlerë e politikës ditore dhe është politikë lokale. Sheshi i Obiliqit, marrë parasysh që ka me qenë një shesh që kanë me kalua breza të tanë, kanë me takua atë shesh, e meriton me pas një emër të vlerës kombëtare edhe një tregues të sakrificës sonë ndër shekuj. Kështu mendojmë ne si Vetëvendosje”, i ka thënë gazetës Koha Ditore, Halil Thaçi.
Më 30 tetor këshilltarët komunalë të Obiliqit e kanë votuar propozimin e kryetarit Gashi që sheshi i qytetit të bartë emrin e Adem Preniqit. Atë ditë në seancë VV-ja kishte qenë me një propozim tjetër “Luftëtarët e Lirisë”.
Kryetari i Qendrës së kësaj partie ka thënë se arsyeja pse kishin propozuar këtë emërtim ka qenë ngritja e vlerave të burrave dhe grave që morën pjesë në luftën e Ushtrisë Çlirimtare të Kosovës.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale.