Vdes kryesuesi i KK të Obiliqit, Adem Preniqi
Kryesuesi i Kuvendit Komunal të Obiliqit, Adem Preniqi, sot ka ndërruar jetë.
Lajmin për vdekjen e tij e ka bërë familja e tij përmes një njoftimi në Facebook.
Për vdekjen e tij, ngushëllime ka shprehur kryeministri i Kosovës, Ramush Haradinaj, i cili ka thënë se Adem Preniqi ishte një njeri i urtë dhe punëtor i palodhshëm.
“Ishte aktivist i pandalur në shërbim të komunitetit dhe qytetarëve. Vdekja e tij është humbje për familjen dhe miqtë, por edhe për institucionin ku veproi. U shpreh ngushëllime më të dashurve të tij dhe e ndaj pikëllimin me ta. Le të krenohen me Ademin! I qoftë i lehtë dheu i Atdheut”, ka shkruar Haradinaj në Facebook.
Edhe kryetari i Komunës së Obiliqit, Xhafer Gashi, i ka shprehur ngushëllime familjes Preniqi.
“Me dhimbje të madhe pranuam lajmin se sot ndërroi jetë profesori dhe Kryesuesi i Kuvendit Komunal të Obiliqit, Adem Preniqi. Lajmi për vdekjen e tij na ka prekur pamasë të gjithëve. Humbja e një njeriu të tillë, është humbje e madhe para së gjithash për familjen, për Komunën dhe për shoqërinë në përgjithësi. Profa ishte shembull me sinqeritetin, afërsinë, guximin dhe vendosmërinë për të vepruar në të mirë të vendit. Familjes ju shpreh ngushëllimet më të thella duke ju uruar forcën dhe durimin për të përballuar këtë dhimbje. U prehsh në paqe Profë”, ka shkruar Gashi në Facebook.
Varrim i të ndierit bëhet sot në varrezat e Obiliqit ne ora 15:00 në Obiliq.
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan.