OEAK fton bizneset në komuna të vogla t’i bashkohen luftës kundër korrupsionit

RanillugPostuar: 16:42 / 06.12.2017

Komuna e Ranillugut aplikon politikën e derës së hapur për bizneset lokale që të mund të raportojnë korrupsionin, megjithatë bizneset duhen inkurajuar që të shfrytëzojnë edhe mekanizmat e tjerë institucionalë dhe ligjorë që janë në dispozicion për të raportuar korrupsionin, edhe në mënyrë konfidenciale.

Kjo u tha në një tryezë të organizuar nga Oda Ekonomike Amerikane në Kosovë në bashkëpunim me autoritetet komunale të Rranillugut, Agjencinë e Zhvillimit Rajonal Lindje dhe me bizneset lokale, dhe me përkrahje të Projektit të UNDP për Përkrahje të Përpjekjeve për Luftimin e Korrupsionit (SAEK), raporton InfoKomuna.

Aktiviteti i sotëm përkon me aktivitetet e tjera të shumta të cilat po organizohen në nivel vendi gjatë javës së anti-korrupsionit.

Davor Petkovic nga Komuna e Ranillugut tha se pavarësisht komunikimit të hapur që komuna ka me bizneset vendore, shqetësuese mbeten kapacitetet e pamjaftueshme të bizneseve lokale dhe prospektet e kufizuara të rritjes, për shkak të qasjes së kufizuar në financa, duke kërkuar një fokus më të madh për komunat më të vogla anembanë Kosovës.

Në anën tjetër, përfaqësuesit e Odës Amerikane folën për efektet negative të korrupsionit, dhe mjetet ligjore që bizneset kanë në dispozicion për të raportuar korrupsionin, duke pasur parasysh që ai pengon konkurrencën e drejtë dhe të barabartë.

Ata kërkuan nga bizneset e pranishme që të luajnë rolin e tyre në luftimin e korrupsionit, qoftë përmes parandalimit ose edhe luftimit të tij.  /InfoKomuna/

SkënderajKomente: 0 Në Skenderaj identifikohet një viktimë e trafikimit, një i arrestuar 11:28 / 18.01.2019 Policia e Kosovës përmes një njoftimi për media bëri të ditur se Njësia e antitrafikimit me qenie njerëzore (DhTQNJ) në Mitrovicë, më datën 17 janar 2019 ka realizuar një urdhërkontroll në dy lokacione të caktuara në rajonin e Mitrovicës, konkretisht në...
FerizajKomente: 0 Vërejtje gjashtë kompanive për mosmirëmbajtje të rrugëve 12:04 / 18.01.2019 Drejtoria për Shërbime Publike dhe Emergjencë ka shqiptuar vërejtje me shkrim për gjashtë kompani të kontraktuara, të cilat s`kanë reaguar me kohë dhe s`janë treguar të përgjegjshme për pastrimin e borës dhe mirëmbajtjen e rrugëve.
VitiKomente: 0 Kryetari Haliti nderon me mirënjohje gazetarët dhe mediet lokale 14:55 / 18.01.2019 Në shenjë falënderimi për punën dhe përkushtimin ndër vite në fushën e informimit publik, kryetari i komunës së Vitisë, Sokol Haliti, ka pritur në takim gazetarët dhe ish-kolegët e tyre që për vite të tëra kanë punuar si korrespondentë, apo edhe...