Peja humb objektin gati 100 vjet të vjetër të Shkollës së Artit
Buldozerët e kanë rrafshuar njërën prej ndërtesave më të vjetra të qytetit të Pejës. Objekti gati 100 vjet i vjetër i shkollës së parë të mesme të arteve aplikative në Kosovë, “Odhise Paskali” do të zëvendësohet me një të ri.
Ky veprim i Komunës së Pejës është cilësuar si fshirje e memories kolektive të qytetit, e krim ndaj trashëgimisë kulturore. Megjithëse ndërtesa nuk ishte nën mbrojtje si aset i trashëgimisë kulturore – fakt ky me të cilin çuditën edhe vetë zyrtarët e trashëgimisë kulturore – reagimet kanë qenë të fuqishme, shkruan sot Koha Ditore.
Komuna këtë veprim e ka bërë që t’i lirohet vend objektit të ri, që do të ngrihet në vend të atij që u ndërtua më 1926, i shfrytëzuar nga shkolla e themeluar më 1949.
Rrënimi i objektit të vjetër të shkollës është bërë pa leje.
Humbja e objektit të vjetër të shkollës ka shkaktuar reagime të shumta në qytetin e Pejës, përfshirë shoqërinë civile, qytetarët dhe opozitën.
Por ndryshe mendojnë zyrtarët komunalë.
“Jemi në periudhën para fushatës zgjedhore dhe e kuptojmë që opozita në ethet parazgjedhore mundohet të krijojë opinione, por ne e ftojmë opozitën që me e përkrahë, sepse jemi duke ndërtuar shkollë e jo diçka tjetër që nuk i përket arsimit”, ka thënë Durim Sheremeti, shef i kabinetit të kryetarit të Pejës, Gazmend Muhaxheri, duke i cilësuar reagimet si politike.
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...