Përurohet objekti i ri shkollor në fshatin Druar të Vushtrrisë
Pas plotë 51 viteve, fshati Druar i Vushtrrisë sot është bërë me shkollë të re. Ndërtimit të këtij objekti, përurimi i së cilës është bërë me rastin e 10-vjetorit të pavarësisë, i janë gëzuar banorët e fshatit Druar.
Nxënësit, prindërit por edhe banorët e fshatit Druar për objektin e ri shkollor, i ka uruar kryetari i Komunës, Xhafer Tahiri, duke thënë se është shumë e rëndësishme ndërtimi i objektit shkollor në këtë fshat, pasi që objekti i deritanishëm nuk i plotësonte më kushtet për mbarëvajtjen e procesit mësimor, transmeton InfoKomuna.
"Tani nxënësit e kësaj shkolle do të mund të ndjekin mësimet në kushte shumë më të mira se sa që kanë qenë deri më tani, kurse arsimtarëve u është mundësuar një ambient i përshtatshëm për punë dhe mbarëvajtje të procesit mësimor. Me këtë rast dua t’iu uroj për shkollën e re me dëshirën që të ndikojë edhe në rritjen e cilësisë në këtë shkollë."
"Ne si institucione komunale do të angazhohemi edhe më shumë që të sigurojmë kushte dhe ambient më të përshtatshëm për nxënësit dhe arsimtarët e komunës sonë, të krijojmë hapësira dhe ambiente adekuate edhe për mësim praktik, duke synuar kështu që të rrisim cilësinë e arsimit në të gjithë komunën tonë", ka thënë kryetari i komunës së Vushtrrisë, Xhafer Tahiri.
Kurse, drejtori i shkollës fillore "Abdyl Frashëri" në Druar, Vesel Uka, tha se ka qenë tejet e nevojshme ndërtimi i një objekti të ri shkollor në këtë fshat për arsye se objekti i deritanishëm i cili ka qenë i ndërtuar më se 51 vite më parë, tashmë i vjetruar, nuk ka përmbushur as kushtet minimale për mbajtjen dhe zhvillimin e procesit mësimor.
"Prandaj, falënderojmë institucionet komunale për angazhimin e tyre dhe realizimin e këtij projekti, pasi që kishim shumë nevojë për një objekt të tillë. Tani neve na është mundësuar të punojnë në kushte normale dhe të zhvillojmë preces normal mësimor", ka thënë drejtori Uka. /InfoKomuna/
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan.