130 mijë euro të grantit destinohen për shtratin e lumit Llap

PodujevëPostuar: 12:46 / 19.05.2018

Komunarët e Podujevës do t’i shpenzojnë 136 mijë eurot e përfituara nga projekti i “DEMOS”-it në ndërtimin e shtratit të lumit Llap dhe në hapësira të gjelbra. Këto mjete Komuna i ka përfituar nga granti i performancës.

Nënkryetari i Komunës së Podujevës, Nexhmi Rudari, ka pritur në një takim menaxherin e projektit të “DEMOS”-it, Prend Krasniqi, me të cilin kanë finalizuar marrëveshjen e bashkëpunimit të grantit të performancës.

Në takimin e nënkryetarit të Podujevës, Nexhmi Rudari, me përfaqësuesin e “DEMOS“-it, e ku prezent ishte edhe drejtori i Buxhetit dhe Financave, Isuf Latifi, u diskutua për rëndësinë e projekteve, të cilat janë planifikuar të realizohen në kuadër të këtij partneriteti”.

Nënkryetari Rudari ka thënë se në kuadër të kësaj marrëveshjeje të bashkëfinancimit me MAPL-në dhe “DEMOS”-in, "kemi planifikuar që një pjesë e granit të shkojë në vazhdimin e ndërtimit të shtratit të lumit Llap, ndërsa pjesa tjetër do të përdoret për rregullimin dhe gjelbërimin e hapësirave publike.

Ndërsa, përfaqësuesi i “DEMOS”-it, Prend Krasniqi, është shprehur i gatshëm për të bashkëpunuar me institucionet komunale për realizim sa më të suksesshëm të projekteve të planifikuara me grantin e performancës.

Sipas Zyrës së informimit, Komuna e Podujevës është përfituese e këtij granti në vlerë prej 136,651 eurosh nga projekti i “DEMOS”-it, i cili është financuar nga Agjencia Zvicerane për Bashkëpunim dhe Zhvillim dhe Ministria e Administrimit të Pushtetit Lokal (MAPL).

PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.
ShtimeKomente: 0 Kuvendi i Komunës së Shtimes mban mbledhjen e radhës 17:04 / 28.03.2024 Kryesuesi i Kuvendit të Komunës së Shtimes, Adnan Ademi, ka mbajtur sot mbledhjen e tretë të rregullt të Kuvendit, ku në këtë mbledhje ka marrë pjesë edhe kryetari i Komunës, Qemajl Aliu, si dhe drejtorë të drejtorive komunale.