Komunës së Podujevës i janë shkaktuar 200 mijë euro dëm financiar me kontratat për dezinfektim
Drejtori i Drejtorisë për Buxhet dhe Financa në Komunën e Podujevës, Fatlum Osmani, në një konferencë për media ka prezantuar shpenzimet dhe abuzimin që është bërë me buxhetin e Komunës me kontratat për dezinfektim të hapësirave brendshme dhe të jashtme gjatë vitit 2020.
Drejtori Osmani ka thënë se konsideron të shumë të rëndësishme prezantimin para qytetarëve të kontratave dhe shpenzimeve sepse janë të dëmshme në aspektin financiar dhe me çmime shumë më të larta se çmimi i tregut të cilat qytetarëve u kanë kushtuar 431,400.06 euro.
“Komuna e Podujevës gjatë vitit 2020 ka lidhur tri kontrata për dezinfektim me të njëjtën kompani, disa nga këto kontrata janë të negociuara por të gjitha shumë lart mbi çmimin e tregut”, tha drejtori Osmani.
Drejtori Osmani tha se kontratat janë të lidhura me operatorin ekonomik “DDD” dhe me çmimet si vijon:
1. Kontrata me vlerë 458,220.55 euro me çmim për metër katror deri në 59 cent.
2. Kontrata me vlerë 93,529.63 euro me çmim për metër katror deri në 28.32 cent.
3. Kontrata me vlerë 149,909.09 euro me çmim për metër katror deri në 22.42 cent.
“Çmimet e këtyre kontratave tregojnë se janë shumë mbi çmimin e tregut. Çmimi i tregut të dezinfektimit për sipërfaqe për metër katror është 9 cent. Për shembull Komuna e Prishtinës, përkatësisht Drejtoria e Arsimit ka kontratë të lidhur me çmim 8.8 cent për metër katror. Nëse i krahasojmë me çmimet e kontratave, të cilat i ka lidhur Komuna e Podujevës, ato janë deri në 6.7 herë më të larta”, tha drejtori Osmani.
“Në total Komuna e Podujevës gjatë vitit 2020 ka shpenzuar 431,400.06 euro për dezinfektim. Ndërsa dëmi financiar që i është shkaktuar Komunë me këto çmime shumë disproporcionale me çmimin e tregut është afër 200 mije euro”, tha drejtori Osmani./Bota.sot/
Përurohet monumenti “UÇK” tek kompleksi i varrezave të dëshmorëve në Gjilan 12:30 / 17.04.2024 Në nder të një çerekshekulli nga Beteja e Zhegocit, është zbuluar Porta e Monumentit të Heronjve UÇK tek kompleksi i varrezave të dëshmorëve në Gjilan. 
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...