Shërbim psiko-social online për qytetarët e Podujevës

PodujevëPostuar: 13:12 / 24.04.2020

Qytetarët e Komunës së Podujevës, duke filluar nga data 25 prill 2020, do të kenë mundësi të bisedojnë-konsultohen me psikologun/en, përmes komunikimit në platformat online.

Grupi i psikologëve vullnetarë, i udhëhequr nga psikologu Dardan Kosumi, e ku janë edhe psikologët Rifat Kosumi dhe Arlinda Kadriu, do të jenë në shërbim të qytetarëve të cilët kanë vështirësi në këtë periudhë të pandemisë COVID-19 për të menaxhuar mendimet, ndjenjat dhe emocionet e tyre, si dhe për ata që mund të përjetojnë stres të shtuar, ankth, panik apo edhe shenja dhe simptoma të depresionit.

Komuna e Podujevës ka siguruar hapësirën e duhur për ekipin e psikologëve, i cili do të ofrojë shërbim psiko-social falas për qytetarët çdo ditë, prej orës 14:00 deri në orën 18:00.

Kontakti me grupin e psikologëve mund të vendoset përmes platformave online, Skype, viber

Në skype: psikologu online

Në viber: +38346191121

GjilanKomente: 0 Fillon projekti madhor 2.4 milionë euro në Gjilan 10:59 / 28.03.2024 Gjatë ditës së djeshme, kanë filluar punimet e njërit ndër projektet më të mëdha në Gjilan. Është fjala për zgjerimin e rrugës “Hamdi Kurteshi” në vlerë prej 2.4 milionë euro.
ShtimeKomente: 0 Kuvendi i Komunës së Shtimes mban mbledhjen e radhës 17:04 / 28.03.2024 Kryesuesi i Kuvendit të Komunës së Shtimes, Adnan Ademi, ka mbajtur sot mbledhjen e tretë të rregullt të Kuvendit, ku në këtë mbledhje ka marrë pjesë edhe kryetari i Komunës, Qemajl Aliu, si dhe drejtorë të drejtorive komunale.