Arrihet marrëveshje e përkohshme mes Komunës së Prishtinës dhe kompanisë “Pastrimi”
Komuna e Prishtinës i ka ofruar ndihmë kompanisë “Pastrimi” me furnizim me naftë në sasi prej 4.000 mijë litra. Pas kësaj marrëveshje mirëkuptimi me furnitorin e furnizimit me derivate, mundësohet vazhdimi i operimit në ofrimin e shërbimit për qytetarët në grumbullimin dhe bartjen e mbeturinave.
Për këtë marrëveshje janë deklaruar me anë të një njoftimi edhe vetë kompania regjionale “Pastrimi”.
“Ju njoftojmë se për shkak të gjendjes së vështirë financiare në të cilën gjendet Kompania KRM 'Pastrimi' SH.A- Prishtinë, me rastin e bllokimit të llogarive bankare nga Kompania për Menaxhimin e Deponive të Kosovës KMDK-së, Kompania KRM 'Pastrimi' SH.A Prishtinë, i njofton qytetarët se pas Marrëveshjes së Mirëkuptimit me furnitorin e furnizimit me derivate, u mundësua furnizimi me naftë në mënyrë që të vazhdohet operimi në ofrimin e shërbimit për qytetarët në grumbullimin dhe bartjen e mbeturinave".
Njëkohësisht edhe Komuna e Prishtinës ka ofruar ndihmë në furnizim me naftë në sasi prej 4.000 (katër mijë) litra.
"Kompania 'Pastrimi' shpreson të hasë në mirëkuptim nga ana e Kompanisë për Menaxhimin e Deponisë të Kosovës - KMDK-së në mënyrë që të zhbllokohen xhirollogaritë bankare të KRM 'Pastrimit' për funksionim normal të Kompanisë në ofrimin e shërbimeve për qytetarët veprimtari kjo me rëndësi të veçantë jetike", thuhet në njoftim. /InfoKomuna/
Nënshkruhen marrëveshjet për subvencionim me OJQ-të përfituese nga Komuna e Pejës 14:19 / 18.04.2024 Kryetari i Komunës së Pejës, Gazmend Muhaxheri dhe Drejtoresha për Mirëqenie Sociale në Komunën e Pejës, Albulena Mujaj-Bajraktaraj kanë pritur në takim OJQ-të, përfituese për këtë vit nga thirrja e Drejtorisë për Mirëqenie Sociale. 
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...