Dështon zbatimi i sistemit informativ të tatimit në pronë
Raporti i auditimit të performancës së efektivitetit të sistemit informativ të tatimit në pronë (SITP), i publikuar nga Zyra Kombëtare e Auditimit ka nxjerrë në pah një sërë mangësish, të bëra nga ana e Ministrisë së Financave, e cila e menaxhon këtë projekt, por edhe nga komunat që zbatojnë atë.
Kështu, në raport, thuhet se qeverisja e sistemit nuk ka rezultuar të jetë efektive. Kjo, sepse Ministria e Financave ka dështuar në hartimin e strategjisë, politikave dhe procedurave të TI-së, duke rrezikuar adresimin e burimeve të nevojshme për mbështetjen e veprimtarisë së SITP-së, shkruan sot Koha Ditore.
“Për më shumë, Ministria e Financave nuk ka krijuar kontrolle efektive të sistemit. Sistemi nuk posedon mekanizmat, apo mjetet e duhura për të identifikuar, apo trajtuar vendosjen e të dhënave jo të vlefshme. Kontrollet e plotësisë dhe saktësisë nuk janë efektive. Gjithashtu, mungon gjurmueshmëria e plotë”, thuhet në raport.
Aty shtohet se të gjitha këto mangësi mund të ndikojnë në funksionimin e sistemit, marrë parasysh edhe faktin se mbarëvajtja e sistemit nuk është duke u realizuar sipas praktikave të mira. /InfoKomuna/
Kryetari Ahmeti vizitoi punimet në renovimin efiçient të shkollës fillore “Vëllezërit Domaneku” në Topliqan 12:05 / 16.04.2024 Kryetari i Komunës së Lipjanit, Imri Ahmeti, ka njoftuar se gjatë ditës së sotme, ka vizituar punimet për renovimin e tërësishëm efiçient të shkollës fillore “Vëllezërit Domaneku”, në Topliqan.
Komuna e Vitisë ka filluar me vizitat sistematike të nxënësve nëpër të gjitha shkollat e saj 10:50 / 15.04.2024 Qendra Kryesore e Mjekësisë Familjare (QKMF) në Viti, ka filluar sot me vizitat sistematike të nxënësve të shkollave të komunës së Vitisë. 
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Po vazhdon ndërtimi i infrastrukturës rrugore në fshatin Korishë të Prizrenit 11:29 / 15.04.2024 Kryetari i Komunës së Prizrenit, Shaqir Totaj, ka njoftuar se është duke vazhduar ndërtimi i rrugëve lokale, ndërtimi i mureve mbrojtëse, kanalizimeve e trotuareve për këmbësorët në fshatin Korishë.