Komuna e Prishtinës dështon në projektet kapitale infrastrukturore
Komuna e Prishtinës ia kishte dedikuar mbi 7.5 milionë euro të buxhetit Drejtorisë më të rëndësishme të saj - Investimeve kapitale, por kjo e fundit përgjatë muajve të deritashëm të këtij viti ka dështuar ta kryente implementimin e projekteve që i janë besuar për këtë vit.
“Koha ditore” ka siguruar një dokument zyrtar buxhetor të Komunës së Prishtinës, në të cilin dëshmohet se Drejtoria e Investimeve Kapitale, deri në shtator kishte shpenzuar vetëm 11 për qind të buxhetit të përgjithshëm vjetor të saj.
Nga 12 projekte të mëdha kapitale, që ishin planifikuar të implementoheshin sivjet në kryeqytet, investime janë bërë në vetëm katër prej tyre pjesërisht.
Kështu, rezulton se vetëm 821 mijë euro janë shpenzuar gjithsej, deri në muajin shtator, nga buxheti i arkës prej 7 milionë e gjysmë eurosh që i kishte kjo drejtori, vetëm për projekte kapitale. Ndërsa, janë zotuar edhe 200 mijë euro të tjera.
Kryetari Latifi nënshkruan memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur” 12:01 / 16.04.2024 Kryetari i Komunës së Rahovecit, Smajl Latifi, ka njoftuar se sot, ka nënshkruar memorandum bashkëpunimi me “Fondacionin për Zhvillim të Qëndrueshëm Ekonomik - PREDA Plus Kosovë dhe WEntrepreneur”.
Nis faza e dytë e punimeve në Unazën Qendrore 13:33 / 15.04.2024 Kryetari i Prishtinës, Perparim Rama, ka njoftuar se ka filluar faza e dytë e punimeve në projektin madhor të Unazës Qendrore. Ky projekt vital lidh lagjen "Arbëria" me rrethin e Lakrishtës.
Asfaltohet mbi 1 kilometër rrugë në lagjen Veli-Miftari në fshatin Jezerc 10:48 / 16.04.2024 Kryetari i Komunës së Ferizajt, Agim Aliu, ka njoftuar se është bërë asfaltimi i mbi 1 kilometër rrugë në lagjen Veli-Miftari në fshatin Jezerc.
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.