Prishtina në balotazh, garë e nxehtë mes LVV-së dhe LDK-së
Dje në Kosovë janë mbajtur zgjedhjet lokale ku qytetarët kanë votuar për të zgjedhur kryetarët në 38 komuna të vendit.
Fokusi në këto zgjedhje ishte në kryeqytet ku në garë ishin shtatë kandidatë: Arben Vitia (LVV), Përparim Rama (LDK), Uran Ismaili (PDK), Daut Haradinaj (AAK), Gëzim Mehmeti (AKR), Avni Çakmaku (Fjala) dhe Florim Isufi (Partia Balliste), shkruan Telegrafi.
Nga rezultatet e deritanishme preliminare të publikuara nga Komisioni Qendror i Zgjedhjeve, numrin më të madh të votave e ka marrë kandidati i LVV-së Arben Vitia i cili ka marrë 35 mijë e 243 vota apo 42,26% nga 99% e votave që janë numëruar.
Në vendin e dytë renditet kandidati i LDK-së, Përparim Rama me 24 mijë e 474 vota apo 29,34%.
Sipas këtij rezultati, Vitia dhe Rama do të përballen sërish në raundin e dytë të zgjedhjeve pas një muaji.
Në garën për Asamble të Komunës së Prishtinës, LVV deri tani ka marrë 22 mijë e 789 vota apo 34,27%, kurse LDK ka marrë 17 mijë e 629 vota apo 26,51%.
Ndryshe në zgjedhjet e 17 tetorit në Prishtinë nga 195 mijë e 978 qytetarë me të drejtë vote, kanë votuar vetëm 87 mijë e 959 apo 44,88% e tyre. /Telegrafi/
Komuna e Shtimes hap thirrjen për ndarjen e 100 bursave për studentët shtimjanë 12:39 / 17.04.2024 Është shpallur thirrja publike për mbështetje financiare për studentët e Komunës së Shtimes, ku këtë vit do të ndahen 100 bursa për studentë që studiojnë në ndonjë nga fakultetet që ofrohet nga bartësit publik dhe bartësit tjerë të arsimit...
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Mbahet mbledhja e rregullt e Komitetit për Politikë dhe Financa në Komunën e Podujevës 12:41 / 17.04.2024 Komiteti për Politikë dhe Financa (KPF) i Komunës së Podujevës, sot ka mbajtur mbledhje të jashtëzakonshme, në të cilën ka diskutuar pikat e rendit të ditës dhe të njëjtat i ka rekomanduar për shqyrtim në mbledhjen e jashtëzakonshme të Kuvendit e cila do...
Asociacioni i Komunave dhe Swisscontact nënshkruan marrëveshje me dy komuna për zhvillimin e turizmit 10:43 / 17.04.2024 Në përputhje me objektivat e Projektit të SWISSCONTACT-it / Promovimi i punësimit në sektorin privat (PPSE) për fuqizimin e turizmit të qëndrueshëm në Komunat e Republikës së Kosovës dhe në bashkëpunim me Asociacionin e Komunave të Kosovës është...