Qeveria dhe Komuna duan përkrahje ndërkombëtare për unazën e Prishtinës

PrishtinëPostuar: 10:16 / 10.01.2018

Qeveria e Kosovës dhe Komuna e Prishtinës janë duke shikuar mundësitë për realizimin e projektit “Unaza e Prishtinës” në partneritet me ndërkombëtarët.

Kryeministri Ramush Haradinaj dhe kryetari i Prishtinës, Shpend Ahmeti, të martën, në një konferencë të përbashkët për media, kanë thënë se tashmë e kanë një opsion që të ecin me këtë projekt, i cili, sipas tyre, është projekti më i madh infrastrukturor dhe investiv, shkruan sot “Koha Ditore”.

Ky projekt i cili është konceptuar që nga viti 2004, nuk ka arritur të realizohet as pas 14 vjetësh.

Për këtë, kreu i Prishtinës, Ahmeti ka thënë se në takim me kryeministrin Haradinaj kanë diskutuar për mënyrën që ky projekt të bëhet me bashkëfinancim nga Komuna e Prishtinës dhe Qeverisë, por edhe në partneritet me ndërkombëtarët qoftë me Bankën Evropiane për Rindërtim dhe Zhvillim (BERZH) apo edhe me bankat e tjera investive.

Gjatë takimit, sipas tij, është diskutuar edhe për Ligjin për Prishtinën, pasi siç ka thënë Qeveria është e interesuar që sa më shpejt të shkojë edhe në lexim të dytë.

GjilanKomente: 0 Çarshia e praruar e Gjilanit 11:06 / 14.10.2018 Çarshia e vjetër ka ndryshuar krejtësisht pamjen. Kanë ndërruar edhe zejet që dikur ushtroheshin në të.
MalishevëKomente: 0 Vetëm Malisheva s'e dorëzon buxhetin për vitin 2019 23:30 / 14.10.2018 Veç një komunë nuk e ka dorëzuar buxhetin te Ministria e Financave për vitin e ardhshëm. Një hap të tillë e kanë bërë edhe komunat veriore. Ndërsa në Malishevë, përplasjet politike, rrezikojnë ta lënë komunën me buxhet të njëjtë...
PrishtinëKomente: 0 Vendoset ndriçimi publik tek Fakulteti Teknik 11:20 / 14.10.2018 Mbrëmë është vendosur ndriçimi tek Fakulteti Teknik me c`rast tani ajo pjesë ka pësuar edhe ndryshime si dhe është zvogëluar rrezikshmëria.