Shpërthen tubi i ujësjellësit, lë pa ujë disa lagje në Prishtinë

PrishtinëPostuar: 11:23 / 10.07.2019

Shpërthimi i tubit të ujësjellësit ka bërë që rruga në Lagjen “Hajvalia” të ketë dëme të mëdha. Rrëshqitja e dheut në këtë lagje ka bërë që Fshati Ndërkombëtar dhe Lagjja “Veternik“ të mbesin pa ujë.

I kontaktuar nga KosovaPress , kryefeshefi i Kompanisë Rajonale të Ujësjellësit “Prishtina” , Ilir Abdullahu, theksoi se gjendja është e rëndë dhe mundësia për të ndërhyrë është e vështirë.Megjithatë, ai theksoi se ekipet emergjente kompetente janë në terren ku po bëjnë përpjekje për sanimin e gjendjes.

“Jemi të informuar për gjendjen, ekipet tona janë në terren duke punuar për të sanuar gjendjen. Gjendja është realisht e rëndë, Fshati Ndërkombëtar dhe një pjesë e Lagjes Veternik janë pa ujë. Intervenimi për të ndërhyrë po bëhet gjithë e më i vështirë”, tha Abdullahu përmes telefonit.

Më 4 korrik 2019, Kompania Rajonale e Ujësjellësit “Prishtina” përmes një komunikate për media pati informuar qytetarët për gjendjen e krijuar në këtë lagje të kryeqytetit.

SkënderajKomente: 0 Hapet Panairi i veshjeve tradicionale në Skenderaj 13:32 / 22.07.2019 Në Sheshin “Adem Jashari” në Skenderaj sot është hapur Panairi i veshjeve tradicionale, i organizuar nga Shoqata “Drugëza” dhe nën patronatin e kryetarit të Komunës, Bekim Jashari.