"Termokosi" vazhdon ngrohjen e Prishtinës edhe pas të hënës

PrishtinëPostuar: 09:22 / 16.04.2019

Pasi që, mbi vendin tonë po mbretërojnë temperatura të ulëta, të cilat sipas parashikimeve meteorologjike do të vazhdojnë edhe gjatë ditëve të ardhshme, NP “Termokos” Sh.A në koordinim me KEK-un ka vendosur që të vazhdojë furnizimin me ngrohje.

Afërdita Uka zëdhënëse e Termokos-it, i tha RTK-së se edhe pse ligjërisht sezoni i ngrohjes 2018/2019, në kushte normale klimatike do të duhej të përfundonte, të hënën vazhdimi i furnizimit me ngrohje është në harmoni të plotë me ligjet në fuqi dhe me rregulloret e ZRRE-së, sipas të cilave sezoni ngrohës mund të zgjatet në varësi të kushteve klimatike.

“Termokos” Sh.A do të vazhdojë të përcjellë me kujdes lëvizjen e temperaturave dhe në varësi të tyre do të vazhdojë të furnizojë me ngrohje të mjaftueshme dhe cilësore gjithë konsumatorët për aq kohë sa do të jetë e nevojshme.

Ajo bëri me dije se këtë vit do të shtrihet edhe rrjeti i “Termokos-it”, të rrjetit. “Ka shumë kërkesa për shtrirje të rrjetit. Do të zgjerohet në Lagjen “Kalabria”, në Rrugën “B”, etj”, tha ajo sot në emisionin e mëngjesit “Mirëmëngjesi Kosovë”, në Radio Televizionin e Kosovës.

GllogocKomente: 0 Mbretëria e Bashkuar dhuron kompjuterë për dy shkolla të mesme në Drenas 11:11 / 16.04.2019 Dy shkollat e mesme të Komunës së Drenasit, përkatësisht Shkolla e Mesme Profesionale “Fehmi Lladrovci” dhe Gjimnazi “Gjergj Kastrioti Skënderbeu”, kanë pranuar kompjuterë për nxënës, donacion ky nga Mbretëria e Bashkuar përmes organizatës IPEDU.
PrishtinëKomente: 0 Kompanisë "Pastrimi" i bllokohen xhirollogaritë bankare, shkak borxhet 12:14 / 19.04.2019 Kompania Rajonale e Mbeturinave "Pastrimi", njofton opinionin publik se i janë bllokuar xhirollogaritë bankare nga Kompania për Menaxhimin e Deponive të Kosovës, dhe po ashtu gjendet para një kolapsi financiar për arsye të borxhit që ka ndaj kësaj kompanie.