Dështon dhënia e shujtave ushqimore në këtë gjysmëvjetor për filloristët në Prizren
Ofrimi e shujtës ushqimore dhe qumështit falas për nxënësit deri në klasën e 5-të në Prizren ende nuk është jetësuar.
Autoritetet komunale kanë theksuar se kjo politikë publike tashmë është dërguar në Zyrën e Prokurimit për zhvillimin e procedurave tenderuese dhe se pas përmbylljes së tyre, zbatimi i projektit pritet që të nisë në shtator të këtij viti, me fillimin e vitit të ri shkollor.
Por këshilltarët nga radhët e opozitës kanë bërë të ditur se Qeveria komunale deri tani nuk ka treguar zotësi sa i përket përmbushjes së premtimeve të dhëna dhe se është treguar efikase vetëm në raport me shpenzimet e luksit për anëtarët e vet, shkruan sot Koha Ditore.
Drejtori i Arsimit, Skender Susuri, ka bërë të ditur se politika e premtuar nga kryetari Haskuka është buxhetuar për këtë vit. “Sa kam informata është në fazën e finalizimit. Rreth 12 mijë nxënës, nga klasa e parë deri në klasën e pestë pritet që t’i marrin shujtat me fillimin e vitit të ri shkollor”, ka thënë Susuri.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.