Shkolla e mjekësisë në Prizren do të shndërrohet në ndërtesë ekologjike

PrizrenPostuar: 11:34 / 22.03.2019

Shkolla e mesme e mjekësisë “Luciano Motroni” në Prizren pritet që të shndërrohet në ndërtesë ekologjike. Ky institucion arsimor është zgjedhur përfitues në kuadër të projektit “Eko Shkolla”, që zbatohet nga OJQ “Ec Ma Ndryshe”, shkruan sot “Koha Ditore”.

Valon Xhabali nga “Ec Ma Ndryshe”, të enjten ka bërë të ditur se kjo organizatë ka nisur zbatimin e projektit “EKO Shkolla”, në kuadër të të cilit kishte hapur thirrjen për përzgjedhjen e një shkolle të mesme publike të qytetit të Prizrenit, e cila do të përfitojë nga programi afatgjatë për edukim mjedisor dhe efiçiencë të energjisë.

“Të drejtë për të qenë pjesë e kësaj gare kanë pasur të gjitha shkollat e mesme publike të qytetit të Prizrenit. Pas përmbylljes së këtij procesi të aplikimit është mbledhur komisioni për shqyrtimin e aplikacioneve nga shkollat e mesme publike të Prizrenit, me ç’rast shkolla ‘Luciano Motroni’ është përzgjedhur si përfituese”, ka thënë Xhabali.

 
PejëKomente: 0 Mbahet takimi i rregullt i Kuvendit Komunal të Pejës 12:20 / 28.03.2024 Kuvendi Komunal në Pejë, mbajti sot takimin e radhës të rregullt, kryesuar nga Rexhep Kurtbogaj, ku morën pjesë kryetari Gazmend Muhaxheri, Nënkryetarët, Drejtorët, mediat dhe qytetarët të interesuar, ku është debatuar për disa pika të rendit të ditës.