Zyra e BE-së mbështet Prizrenin në turizëm dhe ruajtjen e trashëgimisë kulturore
PrizrenPostuar: 22:02 / 28.05.2018
Kryetari i Komunës së Prizrenit, Mytaher Haskuka, sot priti përfaqësuesen e lartë të BE-së në Kosovë, Natalya Apostolova, e cila vizitoi për herë të parë Komunën e Prizrenit.
Me zyrën e BE-së u dakordua për financimin e ndërtimit të një shkolle nga fondet e IPA-së, si dhe revitalizimin dhe integrimin socio-ekonomik të rrugës Marin Barleti.
Ambasadorja tregoi gatishmëri për përkrahje të të gjitha projekteve të Komunës që kanë të bëjnë me turizëm dhe ruajtjen e trashëgimisë kulturore.
Ndër tjerash, palët u pajtuan që të punohet në drejtim të promovimit të vlerave të Prizrenit, si një qytet tolerant, ku bashkëjetojnë shumë komunitete etnike dhe fetare. /InfoKomuna/