Zyrtarë arsimorë nga Berati vizitojnë Prizrenin
Kryetari i Prizrenit, Mytaher Haskuka, dhe drejtori i Arsimit, Skënder Susuri kanë takuar dje përfaqësuesit e Drejtorisë Rajonale të Arsimit nga Bashkia e Beratit, në krye me drejtorin Selman Hodaj, me të cilët janë pajtuar që të ketë bashkëpunim më të thellë nga viti i ardhshëm.
Sipas njoftimit të Zyrës së informimit, përveç binjakëzimit të shkollave nga Prizreni dhe Berati, ky bashkëpunim do të fuqizohet edhe me shumë projekte të përbashkëta midis Drejtorisë së Arsimit në Prizren dhe Drejtorisë Rajonale të Arsimit në Berat, që do të ketë për qëllim rritjen e cilësisë në arsim, shkruan sot “Koha Ditore”.
“Vizita e delegacionit nga Berati ka të bëjë me organizimin e një punëtorie, që do të kulmojë me nënshkrimin e një marrëveshjeje bashkëpunimi midis 2 drejtorive për realizimin e disa projekteve të përbashkëta, sikurse edhe binjakëzimin e 7 shkollave”, ka thënë drejtori i Arsimit, Skënder Susuri. Sipas tij, qëllimi i këtyre aktiviteteve do të jetë shkëmbimi i përvojave mes komunitetit shkollor të dy qyteteve.
“Po ashtu, do të punohet që binjakëzimet e shkollave të sjellin rezultat në aspektin e cilësisë”, është shprehur ai. Nga ana tjetër drejtori i DAR-it në Berat, Selman Hodaj, ka pohuar se ujdia midis drejtorive parasheh bashkëpunim në projektet për trajnimin e mësimdhënësve, realizimin e kurikulës, derisa binjakëzimi me shkollat e Prizrenit parasheh shkëmbimin e përvojave të nxënësve dhe mësimdhënësve.
Mbahet Akademi Përkujtimore në nderim të 25 vjetorit të rënies së dëshmorëve dhe martirëve të komunës së Lipjanit 14:10 / 18.04.2024 Kryetari i Komunës së Lipjanit, Imri Ahmeti, ka bërë të ditur se në nderim të 25 vjetorit të rënies së dëshmorëve dhe martirëve të komunës së Lipjanit, sot është mbajtur Akademi Përkujtimore ku gjithashtu kanë bërë homazhe në Ribar...
Mbahet mbledhja e rregullt e Komitetit për Politikë dhe Financa në Komunën e Gjakovës 14:05 / 18.04.2024 Nën udhëheqjen e Kryesueses së Kuvendit Arbënesha Kuqi, është mbajtur mbledhja e katërt për këtë vit e Komitetit për Politikë dhe Financa të Kuvendit të Komunës së Gjakovës.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...