Betohet kryetari i Komunës së Rahovecit, Smajl Latifi

Në praninë e përfaqësuesve të institucioneve vendore, organizatave të dala nga lufta, përfaqësues të klerit fetar, si dhe qytetarëve të shumtë, deputetët e zgjedhur të Kuvendit Komunal të Rahovecit unanimisht u betuan dhe filluan detyrën e re në këtë mandate legjislativ.

Në këtë seancë inauguruese para të pranishmëve u betua edhe kryetari i zgjedhur i komunës Smajl Latifi, i cili në fjalën e tij të rastit para të pranishmëve u zotua që do të jetë në shërbim të gjithë qytetarëve.

Kryetari Latifi tha se do të jem i përkushtuar maksimalisht t’ju shërbejë me nderë, përgjegjësi, transparencë dhe sipas ligjit.

Do të krijojmë bashkërisht një marrëdhënie korrekte, funksionale, dhe të përgjegjshme me Kuvendin e Komunës, me bindjen e thellë se do të reflektojmë së bashku tiparet e një qeverisje demokratike dhe të suksesshme u shpreh mes të tjerash kryetari Smajl Latifi. /InfoKomuna/