Kryetari Vehapi fton qytetarët e Kosovës në festën e vjeljes së rrushit
Në Rahovec nesër fillon festivali i vjeljes së rrushit "HardhFest" nën organizimin e programeve të ndryshme.
Andaj për këtë, kryetari i Rahovecit Idriz Vehapi u ka bërë ftesë të gjithë qytetarëve të Kosovës që t'i bashkëngjiten këtij manifestimi, transmeton InfoKomuna.
Ftesa e kryetarit Vehapi për "Hardhfest":
"Të dashur qytetarë të komunës së Rahovecit,
Të dashur qytetarë të Kosovës,
Nesër, fillon festivali i vjeljes së rrushit “HardhFest”. Për katër ditë me radhë, Rahoveci do të shtrojë sofrën e madhe me rrush, verë, e produkte të tjera që për bazë kanë rrushin e ëmbël të vreshtave tanë.
Ju ftoj që të bëheni pjesë e kësaj feste, që do të shoqërohet me muzikë (këngëtarë të njohur nga vendi dhe bota) dhe aktivitete të ndryshme.
Ne i kemi bërë të gjitha përgatitjet që t’ju presim siç ka qenë gjithmonë zakon ndër shqiptarë të priten miqtë!
Me këtë rast, me kënaqësi i lajmëroj të gjithë vreshtarët e Rahovecit, se bodrumet e qytetit tonë, do të pranojnë të gjithë rrushin tuaj.
Punë të mbarë vreshtarë e verëtarë!
Qytetarë të Kosovës, Rahoveci po ju pret në festë!
Jeni të ftuar të gjithë qytetarët e Kosovës! "
Nis asfaltimi dhe rregullimi i trotuarit në rrugën “Behxhet Sojeva” në Ferizaj 12:49 / 17.04.2024 Ka filluar asfaltimi dhe rregullimi i trotuarit në rrugën “Behxhet Sojeva”, si një nga arteriet kryesore rrugore të qytetit të Ferizajt, ku me këtë rast, kryetari Agim Aliu ka vizituar nga afër këto punime.
Kryetari Ahmeti vizitoi punimet në renovimin efiçient të shkollës fillore “Vëllezërit Domaneku” në Topliqan 12:05 / 16.04.2024 Kryetari i Komunës së Lipjanit, Imri Ahmeti, ka njoftuar se gjatë ditës së sotme, ka vizituar punimet për renovimin e tërësishëm efiçient të shkollës fillore “Vëllezërit Domaneku”, në Topliqan.
Komuna e Gjilanit shpërndanë fidane të mjedrës dhe materialit përcjellës për fermerët 10:35 / 16.04.2024 Komuna e Gjilanit, përkatësisht Drejtoria e Bujqësisë dhe Pylltarisë, ka shpërndarë fidane të mjedrës dhe material përcjellës për ngritjen e pemishteve me mjedër. 
Po vazhdon ndërtimi i infrastrukturës rrugore në fshatin Korishë të Prizrenit 11:29 / 15.04.2024 Kryetari i Komunës së Prizrenit, Shaqir Totaj, ka njoftuar se është duke vazhduar ndërtimi i rrugëve lokale, ndërtimi i mureve mbrojtëse, kanalizimeve e trotuareve për këmbësorët në fshatin Korishë.