Në Rahovec qytetarë dhe tifozë të shumtë protestuan për palestrën që s’u përfundua që një dekadë
Teksa klubi i basketbollit arriti playoffin e parë në histori të KB Rahovecit dhe vendin e tretë për herë të parë në histori të sportit të kësaj komune pa palestër dhe me buxhet minimal, është mbajtur edhe protesta në shenjë revolte.
Disa ditë para nisjes së playoffit të parë për klubin tifozë dhe qytetarë të shumtë marshuan nga stacioni i autobusëve në drejtim të Kuvendit Komunal të Rahovecit.
Qindra tifozë e protestues protestuan në mënyrë paqësore, teksa para tyre u shfaq edhe kryetari i komunës së Rahovecit, Smajl Latifi.
Tifozët drejtuan gishtin kah Latifi pasi ai premtoi në fushatën zgjedhore për kryetar të komunës se sezoni nuk do të përfundohej pa palestër, ndonëse klubi këtë tashmë po e bën duke u kualifikuar në playoff.
Latifi premtoi angazhim drejt përfundimit të kësaj çështje nëpër të cilën kanë kaluar shumë pushtete, kryetarë dhe parti politike. Ai konfirmoi se kryeministri Haradinaj po angazhohet për të përfunduar palestrën që në Rahovec po konsiderohet si dhimbja në zemër të qytetit tash e 10 vjet.
Ditë më parë ishte trajneri i Rahovecit, Bujar Loci, ai që deklaroi se po të kishte Rahoveci palestrën nuk do të humbte asnjë ndeshje në shtëpi, teksa Rahoveci shënoi 5 fitore në 6 ndeshjet e fundit të zhvilluara si vendas në palestrën e Gjakovës.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...