Promovohet buxhetimi gjinor i Rahovecit për vitin 2018
Komuna e Rahovecit dhe zyra e OSBE-së kanë organizuar takim të përbashkët për të diskutuar buxhetimin gjinor në Komunën e Rahovecit, me përfshirjen e drejtorëve të Komunës, përfaqësuesve të grupit joformal të grave, organizatave të shoqërisë civile dhe të tjerëve, ka njoftuar Zyra komunale e informimit.
Zyrtarja e lartë e programit në OSBE, Irene Scinto, ka pohuar se qëllimi i këtij takimi është përmirësimi i mëtejmë i buxhetimit gjinor të Komunës, marrë parasysh procesin aktual të hartimit të buxhetit për vitin 2018, shkruan sot “Koha Ditore”.
Drejtori i Buxhetit dhe Financave, Lulzim Sylejmani, ka theksuar se buxhetimi gjinor nuk nënkupton një buxhet të veçantë për gratë, por përfshirjen e nevojave të të dy gjinive në projektet dhe aktivitetet e ndryshme që zbatohen nga Komuna, krahas transparencës më të madhe dhe raportimit për buxhetimin gjinor.
Nga ana tjetër, përfaqësuesit e OSBE-së, sipas njoftimit të ZI-së, kanë ndarë disa gjetje nga një hulumtim i mëhershëm, lidhur me infrastrukturën në shkolla dhe përshtatshmërinë e kësaj infrastrukture për të dy gjinitë.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.