Vdes kryetari i Ranillugut në një aksident në Nish

RanillugPostuar: 15:47 / 15.09.2017

Ka humbur jetën në një aksident trafiku në Nish, kryetari i Komunës së Ranillugut, Gradimir Mikiq.

Komandanti i Policisë rajonale të Komunës së Ranillugut, ka konfirmuar për Gazetën Express se në aksidentin që ndodhi në magjistralen që çon në Nish të Serbisë, kanë vdekur dy persona: kryetari i Komunës së Ranillugut, Gradimir Mikiq dhe kryetari i Kuvendit Komunal, Sasha Aleksiq.

Aksidenti ka ndodhur para 2 orëve, konfirmoi komandanti i Policisë së Kosovës, në rajonin e Ranillugut, Nebojsha Popoviq.

Pos viktimave në aksident janë lënduar edhe Vesna, bashkëshortja e Gradimir Mikiqit si dhe një zyrtar i kësaj komune.

Shërbimi Emergjent i Qendrës së Shëndetit në Lajkovac të Serbisë, konfirmoi se rreth orës 12:45 kanë marrë një telefonatë për aksident. /InfoKomuna/

 

PrishtinëKomente: 0 "Termokosi" vazhdon ngrohjen e Prishtinës edhe pas të hënës 09:22 / 16.04.2019 Pasi që, mbi vendin tonë po mbretërojnë temperatura të ulëta, të cilat sipas parashikimeve meteorologjike do të vazhdojnë edhe gjatë ditëve të ardhshme, NP “Termokos” Sh.A në koordinim me KEK-un ka vendosur që të vazhdojë furnizimin me ngrohje.
GllogocKomente: 0 Mbretëria e Bashkuar dhuron kompjuterë për dy shkolla të mesme në Drenas 11:11 / 16.04.2019 Dy shkollat e mesme të Komunës së Drenasit, përkatësisht Shkolla e Mesme Profesionale “Fehmi Lladrovci” dhe Gjimnazi “Gjergj Kastrioti Skënderbeu”, kanë pranuar kompjuterë për nxënës, donacion ky nga Mbretëria e Bashkuar përmes organizatës IPEDU.