SBAShK-u paralajmëron përshkallëzim të grevës
Në të gjitha shkollat e Kosovës ka nisur greva dy orëshe e paralajmëruar nga SBAShK-u.
Mësimdhënësit e Kosovës po kërkojnë që të zbatohet marrëveshja e nënshkruar në mes të SBAShK-ut dhe koalicionit qeverisës me 5 qershor 2017, veçanërisht po kërkojnë që në Kuvend të procedohet projektligji për statusin e punëtorëve të arsimit për vitet 1990-1999.
Kryetari i SBAShK-ut, Rrahman Jashari, ka vizituar Shkollën e Mesme Bujqësore “Avdyl Frashëri” në Prishtinë ku tha se kanë ndërmarr vendimin e dytë sindikal derisa ka përgëzuar grevistët për unitet duke thënë se ky unitet ka dhënë frytet e para të saj ngase kryeministri ka reflektuar dhe sot do të ketë takim mes tyre.
Jasharaj tha se do të insistojnë edhe për ligjin e pagave sepse “ligji i propozuar nga Qeveria kishte synim të nënçmonte duke i vendosur në fund të tabelës së koeficientit”.
Sipas kreut të SBAShK-ut, nëse Qeveria nuk reflekton ka mundësi që kongresi i kësaj sindikate të marrë vendim për grevë të pacaktuar dhe protesta në rrugë.
Një takim mes Jasharajt dhe kryeministrit Ramush Haradinaj është paralajmëruar për në orën 15:00.
Miratohet vendimi për themelimin e Zonës Industriale në Podujevë 10:23 / 19.04.2024 Kryetari i Komunës së Podujevës, Shpejtim Bulliqi, ka njoftuar se në mbledhjen e djeshme të Qeverisë së Kosovës është miratuar propozim vendimi për themelimin e Zonës Industriale në Komunën e Podujevës.