Kaçanik, së shpejti nis procesi i digjitalizimit të shërbimeve në QKMF
Shumë punë e projekte kapitale janë duke u realizuar në terren në kuadër të investimeve komunale dhe bashkëpunimeve me institucionet qendrore. Kjo u bë e ditur në mbledhjen e fillimjavës kryesuar nga kryetari i Komunës së Kaçanikut, Besim Ilazi dhe nënkryetari Ylber Bajra.
Drejtoria e Shëndetësisë dhe Mirëqenies Sociale bëri të ditur se janë pranuar 36 kompjuterë në Qendrën kryesore të Mjekësisë Familjare në Kaçanik donacion nga Ministria e Shëndetësisë, ku së shpejti pritet të bëhet instalimi i sistemit të ri informativ shëndetësor, ku njëkohësisht pritet të trajnohet edhe stafi mjekësorë për implementimin e këtij projekti qeveritar, i cili sipas drejtorisë është i një rëndësie të veçantë, që synon digjitalizimin e shërbimeve në këtë qendër mjekësore.
Drejtoresha Diana Reka po ashtu njoftoi se vizitat shtëpiake për nëna dhe fëmijë nga mosha 0-3 vjeç, janë duke u realizuar çdo ditë nga ekipet mjekësore, ndërsa vlen të ceket se është vlerësuar lartë performanca e komunës sonë në këtë program, nga ana e UNICEF-it, ku Kaçaniku ka primatin në realizimin e këtij programi në Kosovë.
Po ashtu u bë e ditur se Kompania “ Bechtel Enka” me rastin e muajit të Ramazanit, ka ndihmuar disa familje me pako ushqimore.
Ndërkohë, Drejtori i Shërbimeve Publike Ramadush Osmani, tha se pas nënshkrimit të memorandumit me Ministrinë e Zhvillimit Rajonal ( MZHR), janë nisur edhe procedurat e nevojshme për fillimin e projektit “ Ndërtimi i urës mbi lumin Nerodime/Kaçanik i Vjetër dhe rregullimi i rrugëve në lagjen Prushaj- Lamaj-Soponicë” projekte të financuara nga MZHR dhe Komuna e Kaçanikut.
Drejtoria e Shërbimeve Publike po ashtu njoftoi se është bërë shpërndarja e shportave për mbeturina për disa ekonomi familjare, në kuadër të implementimit të Planit Lokal për Menaxhimin e Mbeturinave. Në takim u theksuan edhe përgatitjet e fundit që janë duke u bërë për shënimin e 14 majit- 20 vjetorit të rënies së Heroit Qamil Ilazi- Komandant Bardhi me bashkëluftëtarë. /InfoKomuna/
Komuna e Gjilanit mbështetë nënat lehona për fëmijët e lindur në këtë vit 11:16 / 18.04.2024 Për herë të dytë Komuna e Gjilanit, ka vendosur të mbështesë nënat lehona për fëmijët e lindur gjatë këtij viti. 
Mbahet mbledhja e rregullt e Komitetit për Politikë dhe Financa në Komunën e Rahovecit 11:41 / 18.04.2024 Udhëhequr nga Kryesuesi Arbër Zenuni, sot, është mbajtur mbledhja e katërt e Komitetit për Politikë dhe Financa (KPF) për vitin 2024, e kuvendit komunal të Rahovecit.
Komuna e Kamenicës pjesë e Panairit Ndërkombëtar të Turizmit në Francë 14:31 / 18.04.2024 Kryetari i Komunës së Kamenicës, Kadri Rahimaj së bashku me shefin e Kabinetit Vaxhid Rexhepaj dhe shumë homologë e përfaqësues të tjerë nga Komunat e Kosovës, po qëndrojnë këto ditë në Grenoble të Francës, për vizitat dhe takimet në kuadër...
Kryetari Latifi përkujtoi dëshmorët e kombit Visar Hotin e Safet Latifin në 25-vjetorin e rënies së tyre 14:26 / 18.04.2024 Kryetari i Komunës së Rahovecit, Smajl Latifi, ka njoftuar se bashkë me kryetarin e Aleancës për Ardhmërinë e Kosovës, Ramush Haradinaj, me bashkëveprimtarin dhe vëllain e Fahri dhe Bahri Fazliut, Fadilin, me familjarë të dëshmorëve, bashkëluftëtarë e...