Rritet numri i të infektuarve në Shtime shkaku i vizitave familjare

ShtimePostuar: 23:22 / 20.04.2020

Numri i të infektuarve me COVID-19 në Komunën e Shtimes është rritur, dhe kjo po dyshohet të ketë ndodhur shkaku i vizitave familjare.

9 anëtarë të një familjeje në fshatin Pjetërshticë kanë rezultuar pozitivë, dhe dyshimet janë se infeksioni është bartur nga një i afërm i tyre që jeton në qytetin e Lipjanit, i cili punonte në aeroportin ndërkombëtar “Adem Jashari”, raporton KOHA.

Kryetari i Komunës së Shtimes, Naim Ismajli, ka thënë se shkaku i vizitave familjare tashmë është konfirmuar edhe një rast në fshatin Voinovc derisa kishte kontakte me një të afërm të infektuar, i cili kishte punuar në kampin “Bondsteel”.

Fshati Pjetërshticë me vendim të Ministrisë së Shëndetësisë është futur në karantinë.

Përfaqësuesi i këtij fshati Lumni Amrushi ka thënë se banorët janë organizuar menjëherë për t’i dalë në ndihmë familjes së infektuar, e cila ka marrë këtë virus nga një i afërm i tyre nga Komuna e Lipjanit.

Ndërkaq, I G., i infektuari nga fshati Pjetërshticë nëpërmjet telefonit ka thënë se gjendja shëndetësore e tyre është e mirë, me përjashtim të nënës së tyre, e cila ka sëmundje kronike.

Në anën tjetër, edhe të afërmit e tyre në lagjen “Bejtush Gerbeshi” në Lipjan me vendim të Ministrisë së Shëndetësisë janë futur në karantinë pas rasteve të konfirmuara.

GjilanKomente: 0 Fillon projekti madhor 2.4 milionë euro në Gjilan 10:59 / 28.03.2024 Gjatë ditës së djeshme, kanë filluar punimet e njërit ndër projektet më të mëdha në Gjilan. Është fjala për zgjerimin e rrugës “Hamdi Kurteshi” në vlerë prej 2.4 milionë euro.